香港D艺人真阴功,要卖保险、卖鸡、保险、耕田!

熊猫蜜语美食团购2019-06-18 22:15:44


TVB
剧集质素点样,大家都心中有数,而且唔知大家会唔会同小编一样有咁嘅感觉:总系觉得三色台剧集里面~少咗好多熟悉嘅面孔~D剧集整体睇起身都好似差D乜咁!原来以前出演我哋睇到要电视捞饭嘅剧集嘅实力派演员个个都转晒行咗呢D......

早排咪话,欧阳震华要转行嘅?初初一听见呢个消息小编真系接受唔到咯!眼睇住TVB熟悉嘅面孔一个个消失晒,换晒一班面口生嘅小花小草,身为TVB嘅死忠粉,小编真系伤心咗好耐。不过讲起三色台有演员要转行,呢单都唔系新闻咯!
江华 卖保险
第一个要讲讲最近转做保险经纪,被路人认出嘅江华……后来江华接受采访时话:“人生有太多嘢可以玩了,今次体验保险系咩回事,其实目前系玩票性质,我已经做咗3个月左右了。也去过内地,有倾下投资拍电影嘅事……”感觉是越解释越心酸。
其实,早喺2006年江华就被爆因腰伤而患上抑郁症,全靠老婆麦洁文教唱歌养家煳口。喺人生巅峰嘅时候,江华拥有元朗加州花园独立屋同埋北角云景台两个物业,旧年被指搬到仅以月租七千蚊嘅沙头角村屋居住,他都直接表示“穷嘛,无钱住豪宅,就搬到沙头角啰!”
小编仲记得细细个睇佢做戏,印象最深刻就系《九五之尊》,喺小编印象之中呢部系穿越剧真系劲搞笑!江华表现真系好到位,佢扮演嘅皇帝由古代穿越到现代发生各种笑料,到而家都真系印象深刻!
刘锦玲 卖保险
同样转行做保险嘅仲有97版天龙八部里面最得人中意嘅阿朱(刘锦玲)。前几年刘锦玲无戏拍,曝光率接近于零,月薪平均只有4500元,不得已开始做保险业务员。睇来,明星转行做保险嘅真系唔少啊!点解小编买保险嘅时候又无碰上几个?!
谭小环 卖鱼蛋
谭小环曾经参加1994年香港小姐选美大赛,并最终夺冠。随后同无线签约,可惜未能大红大紫,出演嘅角色大多数都系配角。1998年佢宣布退出娱乐圈,之后又喺2001年复出。相隔十年之后嘅2011年,佢再度宣布退出娱乐圈,并已经秘密转行,如今喺铜锣湾开小摊卖鱼蛋,收入月薪18000(港元)比佢喺TVB做演员收入仲要高。佢话:“鱼蛋妹都系人,靓唔可以当饭吃!”
讲系咁讲姐,由万人瞩目嘅靓女变成无咩形象可言嘅街边小贩,心里点都有落差啦~再讲,都几离谱咯,做明星竟然都无卖鱼蛋收入高~唉,做明星又真系人前风光,人后凄凉啊!
李雨阳 卖鸡

李 雨阳系TVB演员,样貌出众,高大威猛,充满阳光气息。2003年喺无线电视剧集《当四叶草碰上剑尖时》初登荧幕即出演重要角色,但随后发展平平,喺演艺 圈中只能演一D普通角色。之前过档王维基嘅香港电视,又因开台无望再受挫折。(~点解靓仔都要遇上咁多波折..阴功猪咯!)而家佢已联同三个老友合资搞网上鸡档,卖有机冰鲜鸡,真心由艺人转做鸡贩!天啊~前面仲话转行去做卖保险~做小贩,呢个仲犀利!开鸡档.....
为咗减成本,李雨阳仲会亲身搭港铁去送鸡!佢接受访问时话用了6位数字投资,今年目标系可以一日卖到四百只,先可以回本。

廖伟雄 耕田
廖伟雄早期以《网中人》“阿灿”一角名闻一时,“阿灿”甚至一度成为大陆新移民的代称。(卧槽!原来就系佢!小编一直知道呢个角色呢个代名词,但原来就系佢演嘅!)佢可以算得上甘草演员,出演过唔少配角同龙套。
近年佢专注于种植水稻,而家就做咗某农业生物科技公司总经理,专心推出有机种植嘅“亚灿米”,自己仲有时落地耕田耕田耕出一片天,搞得仲红红火火过演戏.....小编点解觉得有一种莫名其妙嘅心酸感...
李思欣 开火锅店
李思欣2004年香港演艺学院戏剧文凭毕业,并加入TVB成为旗下演员。喺2004年拍摄首部电视剧《赤沙印记四叶草2》(小编好有印象啊~算得上好hit嘅偶像剧吧!),其后曾主演《乱世佳人》 嘅顾昭儿、《凶城计中计》嘅霍倩琦等。
李思欣喺2014年5月约满无线后,同丈夫范振锋频繁做生意,最近同朋友合资在铜湾开日本料理及火锅店。呢个都仲好D~嫁咗人之后唔想咁抛头露面,都应该嘅~
尹扬明 买骨灰盒
港星尹扬明因曾饰演《古惑仔》系列电影嘅“韩宾”一角而被人所熟知,喺电影中与饰演“十三妹”吴君如嘅感情关系而备受关注。但佢嘅演艺路无因此而变得顺遂,因此投靠大哥转行发展骨灰盒生意,此外,佢仲喺香港同澳门各开一间餐厅,发展比演艺事业更好。
袁洁莹 开美容院
袁洁莹喺八十年代开心少女组成员之一,曾出演唔少热剧,以精致的五官和冷傲的气质被观众接受。小编觉得呢嘅演员真系好有观众缘,到而家小编仲可以记得佢喺公仔箱里面演戏嘅场景!演技OK,又容易被人认住,后来渐渐再无见佢出现喺荧屏前,好可惜。
袁洁莹近年几乎绝迹娱乐圈。其实袁洁莹现在已同相识10几年嘅中医界朋友合资数7位数开设中医美容院。
何宝生 做和尚
曾经喺港版《笑傲江湖》里面饰演林平之嘅何宝生,2005年皈依佛门法号道生。今年四十八岁的何宝生依然隐居喺大屿山地糖仔嘅宝林寺内,过住清苦嘅佛门生活,除咗住所由价值三千万嘅豪宅变成了上下铺外,何宝生仲要挑水、耕田同种菜,每日净系训六个钟。
向海岚 做公关
向海岚1998年参加港姐竞选获得“四料冠军”而入行,1999年代表香港参选国际华裔小姐,勇夺季军。代表作有《杨贵妃》、《无头东宫》和《胭脂水粉》,其中《无头东宫》嘅奸妃一角更加令向海岚演技受到劲多赞赏认同。
就算系演技得到肯定,深受观众喜爱。入行娱乐圈十年嘅向海岚2008年5月1日宣布正式告别娱乐圈,而家常驻上海,喺瑞安集团上海新天地担任公关工作
近年来,选择转行嘅香港艺人真系唔少,可以北上发展嘅都走晒来内地捞金,可以转行嘅就转行。其实原因不外乎系片酬少。做生做死先得果鸡碎咁多人工。或者系好多有实力嘅演员又得唔到重视~
讲翻转头,做明星始终都系吃青春饭,趁仲后生有能力嘅时候帮自己稳多一条出路都好应该,只系我哋观众就觉得可惜咗D咯.....



网络@熊猫蜜语编辑整理,版权归原作者所有!

如有侵权请联系熊猫小妹删除,转载请注明出处!


【熊猫蜜语鹤山店】:沙坪镇小范苑18座209铺

电话:0750-8536806

【熊猫蜜语端州店】:翠星路鸿福新村小区内门卫旁

电话:13435824683

【熊猫蜜语端州店】:公正路华英新城雍雅园C14卡

电话:13922627938

【 熊猫蜜语古镇店】:古镇乐丰花园二期金碧轩C02

电话:13380883413

【 熊猫蜜语江门店】:中天国际嘉华苑7栋109(华侨广场对面)

电话:0750-3938246

【熊猫蜜语新会店】:会城桥兴北路颐璟蓝天西门侧123号

电话:0750-3938246

【 熊猫蜜语珠海店】:香洲区财源道步行街号商铺583

电话:0756-2288784

【 熊猫蜜语高明店】:甘泉街73号

电话:13535812049