传统纯手工鱼包鱼蛋重现江湖!正宗南岗风味,老城区仅此一家,别无分号!

广饮广食2018-05-15 09:28:31

广州从来不乏美食,讲到底,都係要归功于一班执着于出品以及味道嘅餐饮人。就好似海珠区南泰路嘅呢间餐厅,忠于品质好多年,先会赢得街坊一直嘅信赖。


银姐家厨比喻成南泰路附近一带居民嘅街坊饭堂一D都唔夸张,呢度嘅鱼包、鱼蛋、鱼生都好出名,闻名到连住得远嘅人都专程揸车过嚟食。出名好自然有人捧场,唔怪得呢度生意日日都咁旺啦!



手工制南岗鱼包鱼蛋
老城区仅此一家

讲起鱼包鱼蛋,识食嘅人都知道南岗嘅最好味。而广州老城区专门做南岗鱼包、鱼蛋嘅,可能就得返银姐呢一间。银姐嘅鲮鱼全部都係由顺德入货,从刮鱼到包鱼,都係师傅自己一手包办,坚持纯手工制作,绝对无添加

手工鱼包、鱼蛋、鱼面

银姐嘅鱼包最大特色就係皮同馅料都係用鲮鱼肉做嘅,将鱼肉打成胶混合蛋清、冬菇同腊味一齐包入鱼皮中,用清汤浸熟,噉样鱼包嘅味道先会比较鲜爽


鱼蛋嘅做法同样考究师傅功力,一粒好嘅鱼蛋放入水里面会留低气泡,噉係因为鱼肉中带有空气质感,所以佢哋嘅鱼蛋食起身会更松软


银姐嘅鱼面同样好出彩,擅用摔打嘅技巧同巧劲破坏鱼肉嘅组织,除咗力道需要控制得好之外,都要配合鱼肉嘅油脂度,好考师傅体力。不过亦都係因为噉,鱼面咬起身先会有QQ嘅口感。


呢个鲮鱼滑好嫩好滑,鱼肉味道好鲜香,用嚟打边炉或者係做桑拿菜最适合不过。



顺德瘦身鱼生
“鱼嘅质地同花生油最重要”

银姐有自己嘅海鲜池,所有鱼都可以做成鱼生。不过,小编要推荐嘅都係佢哋嘅瘦身鲩鱼生,係喺顺德均安用西江水养大嘅,唔喂饲料饿个几月,消耗体内脂肪,保持鱼肉嘅结实同甘爽


呢度嘅鱼生係用保鲜箱上嘅,干净卫生,防止鱼生同空气中嘅灰尘微粒接触。


师傅刀工非常了得,鱼生起片薄如蝉翼,晶莹剔透嘅鱼肉,睇唔出一丝红色,可见“放血”呢一part做得好有技术含量。


光係调料就有蒜片、姜丝、葱丝、洋葱丝、椒丝、豉油、花生碎、芝麻……


不过食鱼生最紧要嘅都係油。银姐嘅花生油係自己即场榨嘅,香滑又有口感将呢D调料混合喺一齐,再将生鱼片拌入其中,入口滑嫩,满口溢香。



桑拿菜
食出食材本味

桑拿菜讲求原汁原味,用蒸汽将新鲜食材蒸熟嚟食,冇任何添加物,却如清水出芙蓉般秀色可餐,入口分外清甜,少油少盐,健康又有特色


【无骨白鲫鱼】,鲫鱼出咗名多骨,但係银姐嘅师傅偏偏可以做到啖啖肉,忍唔住要竖只大拇指畀师傅。

鱼肉好新鲜,起片厚薄适中,仲好鲜甜。


【鱼腩】,鲫鱼最肥美嘅部位,鲜嫩又唔腥。



【起片鸡肉】,食桑拿菜点少得鸡肉,起晒骨,鸡肉嫩滑又多汁,正啊!

加咗虫草花同鸡肉一齐“蒸桑拿”,味道更加鲜香。



仲有其他桑拿菜可以选择,品种丰富又抵食!



原味系列
焗出好味道

锡纸係个好材料,可以将食材嘅鲜味同水分锁住,唔畀佢流失,食到最丰富嘅味道。

【锡纸焗鸡】,鸡肉先用酱料腌过,再用锡纸包住嚟焗,减少鸡肉嘅收缩,食起身更加丰腴有弹性


【锡纸焗大鱼头】,完全冇泥腥味,而且鱼头仲鲜嫩滑溜!



冰镇菜
冰凉一夏

广州夏天热辣辣,食饭梗係唔少得冰镇噶。呢度嘅冰镇菜品种多,既新鲜价钱又平,唔帮衬佢仲帮衬边个喔。

【象拔蚌】象拔蚌嘅肉质比较爽滑,咬喺口中有脆嫩感。



【带子】带子肉大只到令人感动,鲜嫩非常,食到最后係淡淡嘅海水味融化喺舌尖上。


【鱿鱼】鱿鱼爽嫩有弹性,食入口Q脆过人,仲好鲜甜。


特价菜¥28
回馈老街坊

【烧鸡】,银姐嘅烧鸡係用传统嘅吊烧工艺做嘅,金黄色嘅外表光泽照人。食烧鸡嘅时候唔使太斯文,直接用手撕开大啖放入口,未开始咀嚼,香味就溢满成个口腔。外皮香脆,鸡肉肉质结实,嫩滑鲜甜,外脆内嫩嘅结合一D都唔会油腻,令人无法抗拒。


【松子鱼】,呢条松子鱼上台嘅时候确实惊艳到我,大大一条,造型好靓,而且酸甜嘅酱汁淋喺面头,令人食欲大增。

用生粉裹上切好花嘅鱼身,再放入高温油里面炸到金黄色,外脆嫩嫩嘅口感好特别,食起身酥脆甘香,微微酸甜,醒胃又可口


点咗咁多个餸,食饱埋单,人均都只不过係40蚊,就有咁丰富嘅一餐,出品精致又抵食,真係抵帮衬佢啊!

银姐家厨

地址:海珠区南泰路28号(海华工业大厦对面)

电话:020-84072135

营业时间:11:00—14:30;17:30—03:30

回复对应关键词查看对应内容:

| 日本料理| 西餐自助餐海鲜咖啡 | 粤菜火锅 | 小吃 | 饮品 | 酒吧 | 甜品 | 饮茶 | 烧烤 | 下午茶 | ……