热情人妻箍嫩夫,45岁洪欣同老公互喂鱼蛋

粤夜粤好玩2020-07-31 12:20:20


下月就踏入46岁嘅美魔女人妻洪欣,09年嫁畀细佢十年嘅国产嫩夫张丹峰,婚后为夫诞下萌爆女儿晞彤,加埋大仔浩锋,一家四口好幸福。日前晚上,素颜洪欣与老公带17岁仔去铜锣湾买电器和睇电脑。一家人睇野有商有量,之后行去买鱼蛋、牛杂等小食齐齐食。见大眼热情人妻,唔介意当街拖实丈夫,又互喂小食,仲主动箍颈亲热。「进击洪欣」冧夫有一手,唔怪得丹丹爱屋及乌,对继仔视如己出啦! 




洪欣和张丹峰嘅姊弟恋开花结果,更胜过「七年之痒」,幸福美魔女回春不少,近年凭靓样复出返内地掘人仔,密密赚成隐形富婆。早前,美魔女被揭私藏逾7千万物业,除去年豪掷4700百万购下礼顿山一个实用面积约千五迟的单位,其馀三个港岛区物业都唔使按揭,一炮过畀晒,生财有道。



有米人妻日前晚上8时,拖嫩夫及17岁大仔浩锋(生父为莫少聪)去铜锣湾时代广场Shopping。三人先去丰泽睇抽湿机,咁岩有大减价,两公婆睇两睇就扑锤购下三部,加埋都系约一万蚊。之后再睇吓咖啡机、冻风机等,逗留十五分钟,就由零妆洪欣碌卡找数。其后三人转场行Apple Store,陪阿仔去问电脑野。锺意游泳嘅浩锋好高大,近年又去韩国学跳舞,连外貌都似足韩仔。继父一直陪浩锋查问,「两父子」有倾有讲,感情唔错。



斋问十分钟,三人笑笑口离开,落楼扫街医肚。搭扶手电梯时,美魔女化身「进击人妻」,先企高一级搭丈夫膊头,之后排排企更懒理途人目光,当街单手箍颈,恩爱放闪。两夫妇在附近小食档买了鱼蛋、牛杂等小食,嫩夫急不及待喂饱老婆,笃鱼蛋喂给对方。阿仔就独自食鸡蛋仔,然后同父母say bye,后生仔有下场。爱子离开后,洪欣继续与honey边行边互喂,最后买多两支凉茶,就拍拖行返礼顿山寓所。