黄圃10年老店汇总——中学生时代的味道

潮玩黄圃2018-06-23 14:30:42

在探寻美食时,我们总是偏向于有时间、美味沉淀的老店。他们历经时间流转、环境变换,依然经久不衰流传至今。同样的食材、调料、烹饪方法却在时间的烹调中散发出了更加浓郁的味道。

暴龙哥一直在想,10年是一个什么概念?10年的时间足以让你有时过境迁、物是人非的感觉。10年后,大家都变了,但这些老店还深藏着我们难以忘怀的过去和记忆。除了味道没变,还有不变的情怀。

今天我们一起进入【黄圃10年老店总汇】——中学生时代的味道


避风塘·奶茶
几经易主,依然常在

1


奶茶店在黄圃出现可以追溯到千禧年前后,那个时候最风靡学生群体的是--珍珠奶茶。

传统珍珠奶茶的做法是将粉圆与冰奶茶、柠檬红茶相互调配而成。那个时候一杯珍珠奶茶1块钱一杯,很受学生欢迎。而最早开店的估计就是——避风塘·奶茶!

避风塘·奶茶除了珍珠奶茶,这里的主打还有烧仙草同鱼蛋。初中时一杯烧仙草(2蚊)+一串鱼蛋(5粒/1元),已经系暴龙哥半个星期嘅零用钱了,非常奢侈嘅享受。

宜家一杯烧仙草4~5蚊,一串鱼蛋2蚊(4粒),十几年涨了一倍价钱,分量都比之前少。暴龙哥点咗一杯烧仙草+一串鱼蛋+一份豆腐干,味道又系点样?暴龙哥同你逐一分享。

烧仙草还是当年的味道,红豆、绿豆煮得好透,一咬就烂,点睛之笔就系提子干。想当年点解钟意点烧仙草,都系可以食到烧仙草同饮到奶茶,一石二鸟。

呢度噶鱼蛋大大粒,但无咩弹性,食起身好似汤圆,食完成个口都充满香精味,算系最近食到最差嘅一款鱼蛋。

最后试咗豆腐干,汤汁煮得唔错,口感松软易嚼,加上辣椒酱,暴龙哥推荐点单。

地址:中山市黄圃镇永直街

人均:4~6元



大口
原大口九

2


讲到大口九,估计喺每一个80、90后黄圃人最印象深刻的回忆。虽然宜家由于各种原因改名大口,暴龙哥仲系以中学时代嘅叫法来描述呢家一直默默经营嘅小店。

想当年成班死党去雨田打完机,唔喺去避风塘,就喺来大口九打扽,每个周末嘅下午几乎都喺统一模式。以前小食店唔多,可以选择嘅就更少了,大口九就系其中一个暴龙哥长驻阵地。

大口九当年就凭一杯奶茶,赚遍一带学生嘅零用钱。简单嘅奶+茶+黑糯米团就成就一杯街知巷闻嘅台湾珍珠奶茶,到宜家味道基本都保持住。

唔知道以前系咪对糖无抵抗力,一个星期可以饮两、三杯,多年后再回味,感觉甜腻咗好多。但喺情怀呢家野唔喺味道衡量得到,只有真正去试先知道。

除咗奶茶,大口九热卖产品仲有鱼蛋同鸡扒,暴龙哥当年只有悭悭埋先可以一个星期食一次。

时隔多年再食,肯定要试真下味道。大口九嘅鱼蛋比避风塘嘅细少少,不过外表更圆更有光泽,而且更有弹性。一啖咬落去,一股浓烈嘅咖喱味直入鼻腔,原来咖喱直接掺到鱼蛋里面,就算直接煮都会有咖喱味。呢款鱼蛋表皮非常弹牙,同周星驰拍食神里面各款鱼蛋有得挥。更令暴龙哥惊讶嘎系呢串鱼蛋只系卖2蚊。

最后要试嘅喺奥尔良鸡扒,味道中规中矩,就是很熟悉的味道。

除咗味道,大口九嘎价钱好亲民,一共点四洋食物,只系需要13蚊。更令暴龙哥意想不到嘅喺店主仲推出支付宝支付,可以打9.5折,最后买单嘅时候仲有随机立减。

地址:中山市黄圃镇升平路(汇福珠宝斜对面)

人均:6~10元



晶菱甜品屋
做烫菜嘅甜品屋

3


晶菱甜品屋喺暴龙哥读高中时代嘅冰室,原因那个时候黄圃嘅传统冰室都已经消亡,想稳个食冰嘅地方都无,而晶菱当时有推出雪糕船。

印象中晶菱刚开的半年时间,到店消费嘅人都唔多,仲怀疑呢类仿效冰室嘅店可唔可以坚持落去。到咗暴龙哥上大学嘅时候,晶菱甜品屋已经做到街知巷闻,想去个度食野嘅年轻人好多,后来先知道老板转做烫菜为主嘅模式了。


难得来一次,暴龙哥点咗好多小食,柠乐、鱼蛋、龟苓膏、红豆沙、面筋、唰菜……两个人下午茶都系22蚊。宜家顺便去一间饮品店,点两杯野都超过呢个数,所以话系晶菱消费抵食。

睇左下菜牌,十几年价格都系上涨咗一倍左右,分量都系相对减少咗,但喺味道同以前差不多。呢度嘅咖喱鱼蛋咖喱味唔算好重,口感还可以,基本上都喺大众口味。

晶菱甜品屋有个令暴龙哥震惊嘅服务系,自带饮品或者食物要加收10蚊/人嘅清洁费,唔想同老板产生误会就醒目了。


地址:中山市黄圃镇塘边路

人均:6~10元



健生堂凉茶
做龟苓膏嘅凉茶店

4


宜家凉茶铺开到周街都喺,但喺又买凉茶又做龟苓膏嘅几乎只得呢家,而且一做就超过10年,呢家店就系健生堂凉茶。

想当年小学五、六年级就开始来呢度食龟苓膏,个时秘制龟苓膏就要3蚊一个,相当奢侈嘅享受了。暴龙哥爷爷常年都喺卖凉茶,好细个就习惯药材嘅味道,所以一食呢度嘅龟苓膏就知道真材实料,

好嘅龟苓膏肯定有一股药材味,而且性寒,孕妇一定不能食嘅。呢度嘅龟苓膏同其他地方即冲龟苓膏有很大不同,就系龟苓膏嘅颜色同质感。普通龟苓膏用粉冲出来,口感都系好软而且好黑,健生堂嘅龟苓膏成咖啡色嘅啫哩状,一口吞,有种脆脆嘅感觉,而且会有甘苦的味道。

记得以前都系用瓦炖盅端出来,宜家都变成塑料包装了,无咗以前怀旧嘅味道,而且味道都变淡了。以前食唔惯重口味龟苓膏嘅人都可以再次尝试了。


地址:中山市黄圃镇怡昌基路

人均:4元起


黄圃老店当然唔止上面提到嘅四家店,仲有大家熟悉嘅轩利诗西餐厅、旧津大排档,刚喺春节前结业嘅英雀甜品屋……喺宜家呢个寸金尺土嘅年代,好多老店都敌唔过租金嘅上涨,只有离开熟悉嘅场地继续经营或者无奈结业。年轻一代想接手父业嘅都唔多,局外人只能睇住老店逐渐夕微退去。

如果有经营超过10年嘅老店,欢迎各位“留言”讲低,暴龙哥(HP_Find205)会以食客嘅身分光临,品尝老店味道。用镜头同文字记录属于黄圃人嘅老味道。

—— 商务合作  探店推广  活动策划 ——

联系微信:HP_Find2015


或致电:18024223241

如果想了解更多暴龙哥精品打造内容,可点击下面连接


酒楼餐厅预约电话 | 快餐外卖电话 | 黄圃惊现“新鲜现劏蟹粥”

 |一碗煲仔饭俘虏港澳台吃货21年 | 这可能系全中山最好吃嘅猪红粥&糯米鸡

| 暴龙哥深测人气爆棚嘅六家肠粉店 | 全中山最好吃的炸牛奶