「发哥养生三式」拒科技 爱自然 锡老婆

香港八叔2020-02-02 14:41:38

点击
「八卦香港」
可以免费订阅!

周润发日前到成都宣传电影《赌城风云II》时接受本报访问,甫进入发哥的总统套房,即获身高六呎的他微微弯腰伸出「友谊之手」自我介绍:「你好,我係周润发。」背后打点的发嫂亦夫唱妇随:「坐吖,慢慢问。」发哥亲切待人,受到广大市民爱戴被封「民间特首」实属正常,笔者表示希望作一个较轻鬆及生活化的访问,让大众更了解他的日常生活及养生之道时,发哥立即脱掉皮鞋并跷脚坐于梳化上并谓:「好吖,无聊一啲,做人无无聊聊又一日,我都唔使咁拘谨!」




要把发哥全面起底,不能不提在他背后默默打点一切的女人──发嫂陈荟莲。发哥笑言:「相敬如宾囉,佢讲嘢时我就收声,佢收声时我更加要收声。」说时他压低了声线,又偷瞄了于房间另一端的发嫂一眼,再跟笔者打个眼色,彷彿赌神高进在跟刀仔打眼色一样。


?发嫂磨练演技


问到发哥在发嫂面前是否一个「大细路」?发哥就自比好演技的老人精:「我成日扮白痴囉,咁先好玩,你叻过佢,佢唔高兴。我会话『咦,咩嚟㗎?』『咦?係噃!』呢样嘢已经係超越咗演技,比拎影帝更难㗎,所以我都唔使再拎乜嘢奖证明自己喇,我日日都喺度磨练紧!」他透露要令太太窝心,简简单单一件琐事已足够:「可以係帮佢搵最好食嘅鱼蛋,又或者最辣嘅辣椒,总之等佢最嗒糖嘅小食咪搵畀佢囉!」明年是发哥发嫂结婚三十周年,发哥继续发挥无聊个性,提议要搵拳头一样大的鱼蛋送发嫂。


发哥今年将踏入六十岁,但他身形依然甚佳,他透露一切来自规律作息:「我七点就起身,食生果,做啲肌肉训练,大约四十五分钟至一个钟左右,去搵人按鬆肌肉,之后就上山跑。冇定边个山㗎,随心所欲睇天气,一去就三、四个钟头,之后就揸车返屋企,五、六点到,七点食饭,十点几就瞓觉。唔使拍戏就日日都係咁嘅,打风落雨就冇办法啦。」于不久前成功戒烟的发哥更说满意现时自己的身形,六十岁对他来说会是个全新开始。



虽然发哥经常在街市现身,但原来发嫂不会让他入厨房


反璞归真餐蛋面


发哥閒时喜欢上YouTube或Google等网站东寻西找,务求每天也学懂一些新知识,他谓:「我会上网摷唔识嘅嘢睇,上网好方便太多资讯,我求知慾强,呢排睇人钓鱼多,台湾人钓鳗鱼同海龙好劲。」好学的发哥坦言近日想学揸飞机:「学揸飞机一要体力,二要视力,三要英文好,可以慢慢学,喺个天度飞应该几好玩,有时我行山见到人玩滑翔降伞都好玩,我都想试,但係人命攸关。」说到此时,发哥又再压低声线及偷瞄了发嫂一眼。


谈到市民最常捕获到发哥的地点是九龙城街市,他大爆自己通常只是负责买餸,发哥说:「通常周太唔畀我煮,觉得我烦,整污糟佢个厨房,所以通常都係佢煮。有时我买佢都话麻烦,咁佢咪买埋煮埋洗埋囉,我就负责食。」发哥自言厨艺不俗,最拿手的竟是「反璞归真餐蛋面」,他说:「唔好搞得咁複杂嘅餸都OK嘅,但我煮餐蛋麵最得,十个食十个觉得OK。」发哥又向笔者透露了自己的坏习惯:「我冇乜耐性,所以唔係好锺意约埋啲多人做嘅嘢,约人要take care好晒,其实我係一个好随意嘅人,成日都易变化。至于小习惯係太太话我食饭食得快,食完就快快走,因为惯咗喺片场好快食完开工,其实对消化系统唔係咁好。」


发哥在街头若被成功捕获,往往会主动拿对方的手机自拍,其中一个原因是觉得对方见到自己会手腾脚震。但「自拍神」发哥原来没有智能电话:「我出街会熄电话,我唔喜欢被打扰,想专心做嗰样嘢。我冇智能手机,所以咪用人手机拍,我唔係唔追科技,而係一有智能电话就会俾人逼你入会(群组),有好多我唔想知嘅嘢要逼住知,有时又要表态我又唔想。有啲微博想畀靓户口我都唔要,有负担有责任,要回应,都唔知答乜嘢好。」


赌神唔识锄大Dee


谈到有何情况下会婉拒合照要求?发哥坦言除了赶回家食饭外,普遍也欢迎合照,他又笑指香港人常看着手机会错过了野生捕获他的机会,发哥说:「一千人有一个人会认得嘅,见过赌神背影咪认得囉。」问到他若然人有三急,会否介意到公厕?他笑言:「冇所谓,我有口罩就冇人认到,出入自如易容高手,喺郊外就更方便,成个大自然係你嘅,施吓肥都仲得。」



一代赌神不会锄大Dee,发哥说时都有点尴尬。


发哥赌神形象深入民心,但他自爆连「锄大Dee」都不会玩,他带点尴尬表示:「赌神唔识赌?讲出嚟实俾人笑,你咪同人讲呀,我喺《赌城风云》时仲问人点锄大Dee,仲有一个係斗地主我都唔识,笑死人,真係唔可以话人知,唔係以后冇人睇。」问到发哥若非演员,会做甚麽职业?他表示:「如果係嗰时农村社会,我谂我都仲係乡下佬耕田,自种自食。呢个都係我嚮往嘅生活之一,我?家都会picture到将来退休回归大自然係好正常。」看见他说时一脸陶醉,笔者也picture到他的农夫造型了。




后记


访问过后有幸跟发哥夫妇晚饭,饭后行经一条后巷,自言不太懂拍人像的发哥一时兴起,二话不说拉了发嫂做模特儿。虽然没有耀眼巨鑽,但从发嫂眼中散发的喜悦神韵,已胜过千言万语。



八卦叔的個人微信:hkhk47

↓↓↓更多精彩内容,请点击「阅读原文」