几时先到鱼蛋日啊?

糕仁一等2018-09-09 10:48:29


点击上方“糕仁一等”可以订阅哦

       系出边见到七仔,超开心,归属感扑面而来。行入去,点知,冇车仔面,冇思乐冰,冇鱼蛋,我怀疑我入左一间假七仔。我挂住笃鱼蛋,又挂住我大广东。

       鱼蛋好多地方都有,但系我钟情于七仔噶鱼蛋。佢噶咖喱系广东式噶,配上辣椒酱一流。鱼蛋永远都系甘弹牙,最钟意就系七仔噶鱼蛋日,每一次都食得超满足,仲要打包,一次食够本。宜家好似有辣味噶鱼蛋,但系我觉得咖喱好食d。

       肚饿个阵,鱼蛋系唔够噶,所以车仔面系首选。我呢个鱼蛋狂,梗系要鱼蛋车仔面啦。七仔噶车仔面系寿桃牌噶,包酱真系精华,冇左佢,就等于豉油鸡冇豉油,即食面冇叉。有时一个人懒得煮饭,或者忙成狗个阵,都会直接七仔车仔面解决,好过食杯面,仲好食过杯面。


       炎炎夏日,点少得思乐冰。路过七仔,总要一杯系手先走,消暑必备。而且唔贵,平民饮品,比心♥


      七仔关东煮都几好食,其实我觉得七仔咩都好食。一个人系七仔食面噶时候,学会坚强独立,有咩唔开心都要自己消化;两个人去笃鱼蛋噶时候,学会珍惜爱护,毕竟能陪你的不多。无论点样,都要过好自己噶生活。有事冇事,七仔都系度傍住你

END