【开心速递】KC同Helen感情最凄美,不断错过加失忆

看港剧2019-07-03 02:14:51

「祈求天父放過一雙戀人……」《愛?回家之開心速遞》中的KC同Helen好不容易終於知道對方心意,Helen甚至為了KC願意放棄前夫嘅100億遺產,正當佢哋打算排除萬難都要在一起時,KC卻因為先被John(何啟南)打暈,後被一粒魚蛋打中前額陷入昏迷,腦部受到重創,甦醒之後變成一個智商只有5歲嘅小朋友「聰聰」。


KC因為先被John(何啟南)打暈,後被一粒魚蛋打中前額陷入昏迷,腦部受到重創,甦醒之後變成一個智商只有5歲嘅小朋友「聰聰」。(IG圖片)


眼見即將「有情人終成眷屬」,但KC竟然變成咁,不過Helen都沒有放棄,揚言可以終生照顧聰聰。咁都OK吖,起碼兩個人仲可以喺埋一齊,但編劇又點會咁容易放過佢哋。KC因為同Jenny推撞再次撞親個頭變返正常人,仲喺公司簡布會上口若懸河,非常精靈,正當大家以為呢次真係守得雲開嘅時候,KC竟然忘記晒同Helen嘅感情,仲對佢表現嫌棄,令Helen非常傷心。

KC回復正常之後,卻忘了與Helen的感情。(IG圖片)


KC同Helen嘅感情線可以話係《開心速遞》中最淒美的。由一開始兩人因為寂寞走在一起,做對方的Sex partner,漸漸Helen對KC產生真感情,為咗留喺佢身邊,即使明知對方成日走去溝??妹,只把自己當作後備,佢都啞忍,直至後來KC發現Helen係先佢嘅真愛。


為了這100億遺產,令KC和Helen的感情波折重重。(IG圖片)


天意弄人,Helen此時被告知前夫留咗100億遺產畀佢,但條件係60歲前唔可以同異性拍拖。KC和Helen起初為了這100億遺產而轉做地下情,奈何無論佢哋去到幾偏僻嘅地方,都逃唔過遺產執行人John佈下嘅線眼。兩人最後也忍痛分手,KC默默地為Helen付出,包括假扮佢嘅鐘點工人照顧佢,與將死嘅富婆司徒獨孤明珠一齊,不惜被佢虐待,被大家看笑話被誤會,只為繼承其50億遺產,可以早日同Helen復合。


KC默默地為Helen付出,包括假扮佢嘅鐘點工人照顧佢,與將死嘅富婆司徒獨孤明珠一齊,不惜被佢虐待,被大家看笑話被誤會。(IG圖片)


KC和Helen即使分開,仍然心繫對方。KC以為只要盡快賺到50億,就有足夠嘅實力和安全感,令Helen放棄100億遺產,返嚟佢身邊。其實佢錯了,對於一個女人來說,一個有情郎比100億更加貴重。但礙於KC永遠只係默默付出,又不斷令Helen產生誤會,以為二人感情已經終結,對佢死心。到近日Helen終於自Terry口中得知KC原來為咗自己犧牲咁多嘢,毅然放棄100億遺產,仲簽埋放棄遺產同意書以示決心。KC聽到Helen嘅決定,即刻衝去搵Helen,期間波折重重,眼見臨門一腳,KC暈倒於Helen屋企樓下。


KC聽到Helen為他放棄100億遺產,即刻衝去搵Helen,期間波折重重,眼見臨門一腳,KC暈倒於Helen屋企樓下。(IG圖片)


呢種男女主角不斷錯過嘅劇情,真係同韓劇劇情同出一轍,永遠都係兩個一開始係歡喜冤家,到兩個真係情投意合之時,總要佢哋經歷各種波折。而失憶都可以算係永恆上榜嘅劇情,例如有《天國的階梯》、《冬季戀歌》、《秘密花園》,仲有去年大熱嘅《孤單又燦爛的神——鬼怪》中嘅池恩卓,都係其中一方失憶。不過通常最後都係大團圓結局,所以相信KC同Helen最後都會有情人終成眷屬嘅!


相信KC同Helen最終都可以有情人終成眷屬嘅!(IG圖片)