北京路最正嘅港式小食店,奶茶、冻柠、鱼蛋、鸡蛋仔、猪肠粉,统统有得食!

睩Look广州2021-02-17 13:36:18


广州美食搜罗

讲到港式小食,好多人首先谂到嘅都係奶茶、冻柠、鱼蛋、鸡蛋仔、猪肠粉,而呢D小食呢,WOWWOO熊统统有得食!而且仲有好多新奇小食添!




奶茶
幼滑如丝





无论係茶味定係奶味,都好浓郁,奶味冇掩盖茶叶本身嘅香味,入口幼滑如丝,而且味道完全唔涩,尼度嘅奶茶用黑白奶冲调,不含奶精,而且是用3种唔同茶叶冲制。係我饮过最好饮最地道嘅丝袜奶茶





章鱼
招牌混酱大章鱼





听讲呢个混酱章鱼係个个嚟WOWWOO熊必点嘅。章鱼颜色超级鲜艳,加上红色嘅甜酱黄色嘅咖喱酱,两种酱混喺一齐味道会更加有层次。章鱼口感爽脆,果然超正!





肠粉
混酱猪肠粉





个个嚟到呢度,都呢个混酱猪肠粉,真係好食到日日都想食!一碗好食嘅猪肠粉,酱汁好重要花生酱、黄芥末、甜酱三种味道迥异嘅酱汁混埋一齐,出嚟嘅味道意想唔到嘅match

酱汁超厚!厚厚一层淋喺猪肠粉面头,食起身酸酸甜甜,加上香口嘅芝麻,口感同味道都更加丰富!





海胆
海胆丸





海胆丸我哋平时用嚟打边炉就食得多啦,估唔到用嚟炸,都别有一番风味啵!厚厚嘅沙律酱木鱼花撒喺海胆丸上面,一啖咬入口,粒粒籽爆晒出嚟,而且丸子本身好有肉感,唔似其它地方係用淀粉嚟做嘅肉丸。

造型靓,味道好,食过一次就爱上佢啦!





芝士
识爆浆嘅芝士肠





芝士肠唔止小朋友钟意食,连大人都受唔住佢嘅诱惑啊!一啖咬开,可以睇到肠身里面嘅芝士爆晒出嚟,芝士香浓加上脆皮肠嘅独特烟熏味,perfect!





鱼蛋
港式咖喱鱼蛋





鱼蛋食入口的确好弹牙,鱼蛋肉质好有嚼劲真係有鱼蛋味噶!咖喱酱汁超级浓稠,咖喱香味之中又带D甜味。





花枝
花枝丸





除咗海胆丸,呢个花枝丸都好有人气噶,几乎嚟WOWWOO嘅人都会点,因为丸子好有墨鱼肉香食起身唔止爽口,仲结实弹牙好有口感


一上台呢个炸云吞就吓亲我,分量超级大!皮炸得好酥脆,咬入口卜卜声,仲爽过食薯片!而最里面嘅云吞就好香嫩,肉好鲜甜。





鸡翼
瑞士鸡翼





以前睇TVB嘅港剧,成日都会出现呢只瑞士鸡翼,不过我都未食过,今次终于有机会可以一尝佢嘅味道。係用特制嘅卤汁熬煮而成嘅,肉厚汁多仲超级嫩滑,一份就有4只,好有诚意!





牛杂
港式卤水萝卜牛杂





上面淋咗港式甜酸酱以及黄芥末,食第一啖嘅时候味道好奇特,但係适应咗之后就觉得越食越想食!哈哈,除此之外,仲有美味嘅牛肚牛筋牛腩牛展


WOWWOO熊港式小食

WOWWOOBEAR

北京路品牌形象店地址:越秀区惠福东路(少爷波餐厅旁边)

营业时间:10:00——22:00



旗舰店地址:越秀区较场西路26号地王广场负二层

营业时间:10:00-22:00

外卖电话:020-83733155(消费30元以上,步行路程十分钟以内,免费送餐,送餐时间周一至周五下午一点到五点)


越富店地址:荔湾区人民北路越富广场二期(原创兴广场)门口旁

人均消费:18元

外卖送餐:13544412484(50元起送)

营业时间:11:00-22:00