牛杂滚三滚,神仙企唔稳!在佛山没吃过这些牛杂就不要自称吃货!

佛山美食Party2019-06-14 00:56:58

要寻找一座城市嘅味道,最好嘅方法就系跑到街头巷尾,去品尝个d喺小店先食到嘅味道。

----沃·兹基硕德



喺佛山街,成日会闻到一阵鲜香浓郁嘅味道,每次闻到都令人食欲大增。谂下个d系锅里面翻滚嘅牛肚、牛肺、牛筋、牛心、牛肠、牛蒡、牛肝......wow,一级棒!


无错,今天女巫要讲嘅就系隐藏系佛山街头嘅独特味道--牛杂




//细妹五香牛杂

人均:20蚊



细妹牛杂都系一间老字号牛杂啦,从1981营业至今,已经36年,就连“细妹”都已经变成左“细姨”,但唔变嘅系依然迷倒万千街坊。



每日细姨都会去买最新鲜嘅牛杂,深夜开始细姨嘅屋企人就会帮手清洗,而细姨就负责调味,呢度工序从1981年到宜家,从来无变过。或者就系呢份坚持,所以先令到细姨牛杂多年以来都受到街坊嘅欢迎。



老板细姨剪牛杂十分快手,只见佢系牛杂小推车里夹起一块牛肚,提起一把大剪刀咔嚓咔嚓就剪左起身,手速快到你仲未反应过来就已经剪好。



撒上芝麻,再淋埋秘制嘅蒜蓉辣椒酱,一份牛杂就已经搞掂放喺你面前。


温馨提示:记得同细姨讲清要咩喔,如果唔系嘅话百分之九十都会系牛肚~



细姨噶牛杂有一种独特嘅香味,问细姨先知原来系用左茴香、丁香、肉桂等香料同埋其他中药调料腌制炖煮,所以五香味十分浓郁。



呢度嘅牛杂唔会煮得好烂,食落好有嚼劲,五香味好浓,有d朋友可能食唔惯,但女巫就觉得别有一番滋味。



除左牛杂之外,呢度一样有萝卜、豆卜、鱼蛋等配菜,种类较为丰富。



顺德嘅牛杂都唔少,但最有特色又好食嘅,非细妹莫属。



//同济牌坊美贤牛杂

人均:15蚊



又系一间老字号牛杂店,唔系,应该讲走鬼档(流动摊位)比较岩,虽然系走鬼档,但美贤牛杂亦都系佛山唯一一间有营业执照嘅走鬼档,所以保证左风味嘅同时都保证左卫生。



虽然美贤牛杂嘅位置比较隐蔽,但你完全唔洗担心稳唔到佢,因为每日来呢度食牛杂嘅人多到会排到出马路。每日四点几老细就会推住部车仔来卖,每日只卖一煲,迟左都无得食。



唔好以为老细真系任性先下午开店,只不过系因为每日早上五点几就会去选材买料,反复清洗干净后再慢慢炖煮,煮嘅时候再加埋秘制酱料,煮到下午四点几先可以摞出黎卖。



由于炖煮时间充足,所以呢度嘅汤底肉味十分浓郁,假如你系清淡饮食主义者,可能对于你来讲味道就会稍微偏咸。



其实老板除左开店时间“任性”之外,对于卖嘅野都好任性,喺呢度你除左可以食到牛杂同豆卜面筋之外,其他配菜嘅身影你绝对稳唔到,因为老板觉得配菜一多,就唔会再系从前嘅味道。



讲下呢度嘅牛杂啦!牛肚十分厚身,食落口感充实,烟烟韧韧,再配埋独家嘅混酱(海鲜酱+辣椒酱),一个字,正!



除左基本嘅牛杂外,特别嘅系呢度仲有牛脆骨,食起身十分爽脆,但牙口唔好嘅就唔好轻易尝试啦。



不可不提嘅系呢度连一张正正经经嘅枱都无,坐喺d小板凳上面,红色胶凳就当枱甘用,但就算环境甘唔讨喜,每日黎食牛杂嘅人都依然络绎不绝。



美贤牛杂甚至被称为佛山人心中嘅“殿堂级牛杂”,可见系有几甘好食,未试过嘅就快d去试下啦!



//鹏丰牛杂

人均:15蚊



鹏丰嘅地理位置都比较隐蔽,喺位于旧三水人最中意去嘅商业城隔离,虽然地理位置偏僻,但依然有超高人气



其实鹏丰都已经有十几年嘅时间啦,从上一辈传承至今,味道依然无变,都系甘好味,好多三水人都会特登开车黎呢度食牛杂。



呢度嘅汤底有两种,秘制牛杂汤底+咖喱汤底。而女巫我就偏爱咖喱汤底,汤底好浓郁,咖喱味好重,食完仲想食!



而鹏丰牛杂最出名嘅就系“牛爽肉”啦,唔知你有无听过咧?牛爽肉其实算系牛乳房附近嘅部位,食起身非常爽口,而且仲带住一丝丝牛奶嘅香味,估计好多人都真系未食过!




//萍姐牛杂

人均:15蚊



喺容桂有一间牛杂店,开喺小巷入边,但每日慕名而来嘅人都唔少。佢就系萍姐牛杂,老细就系萍姐,从2000年开店到宜家,已经开左两间店,一间系容桂总店,而另一间系桂洲分店。



每日早上,萍姐都会调好煮牛杂嘅汤底,之后先会开门做生意。从早上11点到晚上11点都系营业时间,每个时间段黎食牛杂嘅人都唔少。



除左牛杂之外,呢度仲有卖面筋、萝卜、鱼蛋、蔬菜、粉面等等,种类十分丰富。



萍姐嘅牛杂煮得好入味,牛肚好清爽,牛肠唔会好肥,食落都好有嚼头,汤底嘅味道亦都岩岩好,唔会好咸,好多人连汤底都会饮埋。



呢度嘅酱料有三种,海鲜酱蒜蓉辣椒酱同埋麻辣辣椒酱。食牛杂嘅时候搭配埋呢d酱料,一啖食落去,个种酱汁喺嘴入边爆炸嘅感觉,正到不可描述!



牛杂标配除左酱料之外,仲点可以少左樽装饮料?一边食牛杂,一边饮住支冰爽嘅维他奶,试过都话正!



除左野好食,呢度嘅店面都十分简单干净,墙面甚至贴左瓷砖,所以望落好明亮整洁。


丨萍姐牛杂图片来源吃喝玩乐在顺德


食住一碗牛杂,同朋友吹下水,分享下最近嘅趣事,人生最快活嘅事情莫过于如此。但愿你地都可以稳到一个愿意陪你食牛杂嘅人,一齐同佢分享你嘅生活。