【寻老店】17年味道依旧!赤坭哩档牛杂好味到入心头!

花都我撑你2018-04-15 10:21:26



























































































牛杂档虽然唔似得其他嘅美食店铺咁

有个高大上嘅招牌

而且仲基本上都系街头巷尾

但系佢地都凭借自己独特嘅风味

赢得咗广大街坊嘅认可

 

17





早系2001年嘅时候 

哩一档牛杂摊就系赤坭圩摆档

果阵时档主仲系位阿姨

 

牛杂档本身冇店名

但系街坊都习惯叫“阿姐牛杂”

不过随住经营时间推移

越来越多嘅后生仔会叫“阿姨牛杂”

 每次阿撑嚟帮衬都会讲

“阿姨,整5蚊牛杂嚟啊!”

 


阿姨就系咁样

系一声声嘅“阿姨!”中坚持做咗17年

只不过半年前

阿姨嘅孙女出世

佢就话唔再做牛杂档

要翻去凑孙



于是就将哩个档口

转咗俾宜家嘅宋师傅

不过讲到“阿姨牛杂”
宋老板有D无奈



佢话:D老顾客都系认住阿姨噶咋

以前阿姨推住哩部旧单车出嚟

就有一大班熟客过嚟帮衬

自从换咗用手推车嚟开档之后

唔少熟客都以为阿姨牛杂唔做啦

就冇过嚟帮衬

生意比以前差咗唔少



不过宋师傅同时又话

人同架撑都变咗

不过牛杂嘅味道系冇变噶

同阿姨牛杂一样咁好食!

希望用自己嘅手艺搵翻以前嘅熟客!



点解味道冇变? 

因为宋师傅屋企同阿姨系世交

佢读高中嘅时候

就经常嚟哩度买牛杂食

佢想哩档牛杂嘅味道一直传落去 

所以就拜阿姨为师,学艺两年 

深得真传!

 

 

哩咁大煲嘢,全部都系宋师傅

用5个钟经过三次蒸煮

(一出水,二加料,三放主汤底)

 先做出哩一大煲牛杂



牛肚爽滑弹牙

之前就用汤底入过味

唔似用水灼熟咁淡

真系点嚼都有味




 牛腩食起身好软熟

 入口即化

 但系有香料冲淡咗肥腻

 又唔会觉得好油

 勾起咗食多件嘅冲动




面筋好入味

自身嘅软糯

搭配番茄酱/辣椒酱

酸甜/微辣

系嘴入边散开嘅快感

好正啊!



牛肠一串6件

非常有嚼头、嫩滑爽口 

牛肠唔似牛腩咁“索味”

反而冇好浓嘅汤底口感

取而代之嘅系本身自带嘅清爽

而且最紧要嘅系

——唔痴牙!



当然,除咗牛杂、面筋之外

仲可以点其它嘢嚟食噶

鱼蛋、萝卜、莲藕

可以有效咁缓解

牛杂食多咗所带嚟嘅滞涨感



食牛杂又点可以冇酱汁呢!

宋师傅秘制辣椒酱

同D牛杂面筋捞匀

咬落去麻辣味同小小嘅酸甜味

一齐系嘴入边扩散开嚟

一个字:正!!!


 

你想食乜就话俾宋师傅知

佢都会一一帮你整好

等你可以大啖大啖咁食

 


 

一边食,阿撑就觉得

哩档牛杂嘅汤底味道有D特别

于是就向宋师傅挖料

宋师傅好大方咁揭开咗佢个煲盖

 


跟住,宋师傅系煲底捞出咗一个香料包! 

宋师傅话入边嘅材料有

花椒、八角、茴香等8种中药材/香料

系阿姨亲口传授嘅秘方!



而且佢仲话:

好味嘅牛杂唔系斋靠秘方

更重要嘅系

用心去做每一串牛杂


从早上8点去市场买好新鲜嘅食材

到用5个几钟煮好牛杂

最后准时系下昼3点半开档

每个环节都要用足心机!

咁先系阿姨牛杂好食好味嘅原因




哩位唔愿意露面嘅阿姐话:

同以前自己学生时代

食到嘅牛杂味道一模一样

于是就带自己个女嚟

一齐感受回忆嘅味道!



或者哩档牛杂唔算得上「高大上」

但系佢充满咗阿撑嘅怀念

回忆中嘅味道,山珍海味都替代唔到!

生活嘅节奏日渐加快

不妨停下匆忙嘅脚步

品尝回忆中流连忘返嘅味道吧


mark低个地址啦!

地址:赤坭镇新兴路华益商场对面

价格:牛杂类5蚊一串,萝卜1蚊8件

        莲藕1蚊6件,面筋1蚊1份

地图:





▼快点领取花都首张线上吃喝玩乐会员卡啦!行到边都可以8.8折!

(戳一下文字即可了解此卡)


▼会玩的人,戳这里!