【揾食攻略】一次过扫尽广州上下九地道美食!只需30蚊!

广州热门攻略2018-09-21 15:09:44


对于好多人嚟讲,记忆中最美味嘅小食,往往藏身于街头巷尾。为咗带大家食到最美味、最地道、最特色嘅羊城美食,小编特意同5个闺蜜嚟到上下九呢条广州历史老街!我哋嘅目标係——用最少嘅“毛爷爷”,食最多最地道嘅历史老字号!


路线交通:坐地铁一号线到长寿站A出口出站


第一站:美美炸物

地址:荔湾区宝华路130号

从A出口出嚟后转左,就到宝华路。呢度係上下九嘅入口,都係我哋品尝美食嘅第一站。宝华路嘅路口。


喺街边睇到有阿姨喺度卖各式小食,嘴馋买咗两个芋虾。睇起身好诱人,表皮焦脆,咬一啖,可以听到咔擦声,食入口,香芋嘅绵软加上本身嘅香甜喺齿间萦绕,回味悠长。

呢个就係芋虾!

人均:10元




第二站:宝华面店
地址:荔湾区宝华路117号


喺街对面有一间鼎鼎有名嘅面馆——宝华面店。讲到呢间店,好多本地嘅朋友都知道,简直就係广州老字号啦。佢哋嘅猪脚面远近闻名。


呢个就係招牌猪脚面,16蚊/碗。三块大猪手放喺碗里面已经彻彻底底将面条都淹没喺碗里面啦。面係传统嘅竹升面,面条柔韧爽口,猪手肉咬起身既爽脆又冇肥腻感,汤嘅肉味都浓到恰到好处所谓“汤乃粉面食品之魂”,呢度嘅汤底绝非一般面店嘅味精汤,根据面店介绍,其上汤以猪骨、大地鱼同鲜虾头等多种材料熬制而成,因此汤汁味道鲜美。


呢个係鲜虾云吞面,20蚊/碗。云吞咬开之后可以见到里面嘅虾肉。面嘅味道好特别,食完一碗都唔觉得腻,云吞里面嘅虾仁好新鲜,云吞咬起身好爽口。


牛三星面,20蚊/碗,夹起一块,细咬慢嚼,牛肉独有嘅鲜嫩爽口配以芝麻同蒜叶,汤饮完后舌间仍留有余味。

人均:20元



第三站:顺记冰室
地址:荔湾区宝华路85号


跟住落嚟我哋嚟到顺记冰室。呢间係一间凭住椰子雪糕起家嘅老店。我哋点咗一份威化伴三色球(椰子、榴莲、芒果),总共32蚊。


榴莲球有浓郁嘅榴莲味,钟意榴莲嘅一定唔好错过,芒果都非常清香,椰子球偏甜,新鲜嘅食法係用威化饼蘸三种味道嘅雪糕一啖食落肚,啱入口嘅时候,三种味道交融喺一齐,鼻哥都闻到椰子芒果同榴莲嘅香味,好特别,再加上脆口嘅威化饼,口感超正!如果钟意甜食或钟意尝鲜嘅朋友不妨一试。

人均:18元



第四站:乐叔西关美食
地址:荔湾区十五甫三巷2-3号


乐叔食品店面喺一条小巷里面,人影攒聚,热火朝天。


乐叔隐没喺西关小巷之中,斋睇好似係好平凡嘅街边小店,其实上过国内某著名美食节目,早已名声大噪。小食品种丰富,尤以艇仔粥、猪脚姜醋、爽鱼皮等招牌特色为佳。我哋点咗一份套餐,包括顺德爽鱼皮、西关布拉肠、西关艇仔粥,三样小食一共係31蚊。好平!

艇仔粥。主要配料有花生、浮皮、瘦肉、鱿鱼、油条屑同新鲜嘅小虾等等,粥滑软绵,入口润滑,味道鲜甜


鱼皮。味道偏辣,食起身非常爽口。鱼皮冇腥味,调拌嘅酱汁好入味,好适合外地嚟嘅游客嚟试试。


西关布拉肠。虽然係斋肠,但係肠粉好滑,上面仲有点点嘅芝麻香味,配合酱油嘅清淡,味道唔错。

人均:16元



第五站:猪脚姜
地址:荔湾区宝华路第十甫路


猪脚姜係广州嘅特色,第一啖食咗一块姜。啱入口居然係甜嘅,咀嚼过后姜嘅味道渐渐弥漫出嚟,略微有辣味,但係好好食。猪脚煮得好熟烂,非常入味。

人均:8元



第六站:林林牛杂
地址:荔湾区第十甫路36号


跟住落嚟係响当当嘅林林牛杂!係广州当地最地道嘅牛杂店之一,店铺虽然细,但每日都有好多人排队买。

我们买咗纯牛杂一份(小碗)12蚊,萝卜牛杂一份(小碗)8蚊,纯萝卜一份5蚊。


萝卜牛杂,加上葱花或者海鲜酱,迫不及待噉食落口。萝卜好入味,牛杂煮到透熟,入口即化。差D连条脷都咬埋,好险!

人均:10元



第七站:南信牛奶甜品专家



地址:荔湾区第十甫路47号


食完牛杂,我哋决定去食D甜品换换口味。甜品可谓係每个食货嘅死穴!嫩滑甜爽嘅口感係唔少得嘅!嚟到上下九,最值得食嘅甜品店当然係南信啦。南信係西关甜品嘅一个老字号,被誉为广州最正宗嘅双皮奶店,原本专营甜品,宜家都卖粥粉面。招牌甜品有双皮奶、姜撞奶、凤凰奶糊


南信里面甜品种类丰富,一时令人眼花缭乱,小伙伴呢个时候都决定,唔好含蓄啦,干脆土豪一把!于是我哋决定,每人买一份唔一样嘅都试下!

芒果伴椰汁双皮奶,13.5蚊/份。芒果食起身更香甜,而且口感好清爽!底下嘅双皮奶,奶味好浓,入口即溶。


莲子伴椰汁双皮奶,13.5蚊/份。莲子好大粒,量足,不过单纯铺喺椰汁双皮奶上面,双皮奶係双皮奶,莲子係莲子,各自嘅味道冇融合喺一齐。


椰汁雪耳炖木瓜,15蚊/份。成个甜品造型好有档次!木瓜好糯软,椰汁都好香,银耳味道就略有D淡咯。


红豆伴双皮奶,12.5蚊/份。红豆伴双皮奶整体有种“白里透红”嘅视觉。红豆本身煮得好熟透,清甜又软绵,下层嘅双皮奶味都好浓香,口感顺滑,细细品尝,享受红豆同奶香喺口中融化嘅味道,有种妙不可言嘅感觉。


南信姜撞奶,11.5蚊/份。之前食嘅姜撞奶多多少少会有D腻,呢个却唔会有腻嘅感觉。


杨枝甘露,18蚊/份。甜品表层浅浅铺上咗一层水牛奶,经过搅拌之后杨枝甘露就变成咗奶糊般嘅颜色,入口係滑而不腻嘅口感。


传统凤凰奶糊,12.5蚊/份,奶糊嘅蛋味好香浓,奶味都好足,稀稠恰当,甜度适中唔会太腻,口感柔滑细腻,强烈推荐畀各位甜品控。

人均:19元



第八站:银记肠粉店


地址:荔湾区上下九路79号

食完甜品再行到上九路,会见到有一间银记肠粉店。创建于上世纪50年代,係主营肠粉、粥等美食。多年嚟,凭借质优味美嘅传统布拉肠粉驰名于省港澳。早喺五、六十年代,就名扬广州西关地区,现已成为广州传统布拉肠粉嘅代名词。


牛腩布拉肠,12蚊/份。银记嘅牛腩肠粉配嘅係牛腩汁,味道出乎意料哋夹!牛腩味正,肠粉好入味。


鲜虾布拉肠,10蚊/份。可以清晰睇到肠粉包裹住嘅大粒虾肉,见到都流口水啦!


叉烧布拉肠,8蚊/份。叉烧块头相比起前两份略有逊色,不过都好入味!

人均:15元



第九站:莲香楼


地址:荔湾区第十甫路67号

上下九仲有一D特色景点,莲香楼就係其中之一。它历经百年,係一间有“莲蓉第一家”美誉嘅老茶楼。老茶楼嘅兴起,都推动咗广东独特嘅饮茶文化渐渐成型。莲香楼嘅前身係一间喺广州西关嘅婚庆饼店糕酥馆。清光绪十五年(1889年),改名莲香楼。莲香楼用莲蓉作酥饼嘅馅料,清香可口,大受顾客欢迎,而嗰种莲蓉馅饼点从嗰阵起,已定型为今日市面上见到嘅广式月饼。


里面有各类广式馅饼

人均:53元


支出情况:

店名 支出钱额

美美 5元

宝华面店 56元

顺记冰室 32元

乐叔食品 31元

小巷猪脚姜 8元

林林牛杂 15元

银记 30元

南信 108元

莲香楼 15元

总计: 300元


出游Tips:

1、上下九人流量大,出行要睇实细路仔,注意财物。

2、上下九小店多,主营都係西关地道小食,要注意认清店铺名,避免入错店。

3、上下九集美食休闲于一体,喺呢度可以行街、食饭、购物、睇电影等,行到肚饿可以去倾心嘅店铺大快朵颐,食饱咗都可以揾间电影院娱乐休闲,係本地人同外地游客都非常适宜去嘅地方。

4、出行最好选择地铁、公交等公共交通工具,上下九係步行街,车辆唔可以驶入。


【特别声明】部分文章素材源于网络,版权归原作者所有!