仲有边个同佢唱?祖蓝继续恶搞咖喱鱼蛋

港娱每日看点2018-08-31 07:37:23



無綫台慶劇《老表,畢業喇!》演員郭晉安、王祖藍、林欣彤、鄭欣宜、蔣志光、韋綺姍等在中環碼頭請觀眾食咖哩魚蛋宣傳新劇。王祖藍除了以「蔡芯」造型示人,還即場唱劇中歌曲《越辣越愛》,十分搞笑。

 

 冇吳若希冇惡搞

 

王祖藍近日在網上與吳若希(Jinny)隔空對唱《越難越愛VS越辣越愛》,甚受注目,他笑說:「好開心,好耐冇喺香港拍呢啲搞笑視頻,反應好好,依家已經有二百幾萬點擊率,好多謝吳若希,我哋錄嗰陣時係分開、隔空咁錄嘅,吳若希個反應做得好好,冇吳若希冇呢條片。(會唔會再有其他惡搞?)會有個咖喱魚蛋病毒系列嘅,會搵唔同嘅歌手,唱佢哋嘅歌對唱,咩歌手就先賣關子先。」

 

《老表,畢業喇!》演員齊齊做宣傳。


好熱鬧~


祖藍話會有個咖喱魚蛋病毒系列,會搵唔同嘅歌手,唱佢哋嘅歌對唱。



 李亞男抑鬱已好

 

王祖藍近日受訪再講起結婚後隨即到橫店拍劇三個月,令太太有抑鬱症,他說:「好耐之前講過,嗰陣因為我、佢父母都唔係香港,佢有時會喺屋企喊,所以之後我都冇接咁長嘅工作。今次《老表》好似成日都見唔到我,就係因為要陪老婆囉,哈哈。(已經好番?)好番囉,但係有時都會多愁善感,之前都唔使睇醫生,係去接受輔導啫。」


至於咩歌手,就先賣關子先!


同郭晉安老友鬼鬼。

 

王祖藍表示現在會多抽時間陪太太打羽毛球、跑步,希望有正常家庭生活,他笑說:「香港男人要引以為鑑,唔好淨係掛住做嘢。」王祖藍指暫時不會停工「造人」,因年尾會開拍自己製作的長劇,預算下年才開始「造人」大計。


祖藍勁錫老婆李亞男!



延伸閱讀

【有片】對唱變?身材 王祖藍讚吳若希夠Fit

【有片】經典回顧 你最喜愛邊套卡通?

《老表》製作輸《使徒》幾十條街 王祖藍拍MV寸大台

【有片】爆笑慎入!Eason強力恥笑Eric Kwok國語